Aaj unki hei baari, kya pata kal teri ho
Ho mazloom aur halat buri, kya teri ho

Tu asmaan ki taraf utha ke jo hath apne
Dua mange tujhe kaash bacha lein apne

Koi sune na awaz, nazar andaaz kar de
Nashr hote khabar, band wo awaz kar de

Har koi khud mein hi, iss qadar kho jaye
Be-hissi ki odh ke chadar, wo bhi so jaye

Phir bhool jaye wo ke tu, kiss haal mein hei
Teri zindagi na jaane, kiss wabaal mein hei

Tujhe khabar na ho ke, kab goli lagni hei
Ghairat ki na jaane tere kya boli lagni hei

Tere samne tere ghar ko jo jalaya jaaye
Allah ki marzi keh ke chup karaya jaaye

Aage aye na musalman koi, tere rone se
Unhe farq na padhe tere, hone na hone se

Socho kya guzre gi tujh pe, ke agar aisa ho
Haal tera WAKAS, ik falasteeni ke jaisa ho